«Bernli» Angliia chempionatynyń tórtinshi týrynda óz alańynda «Midlsbromen» 1:1 esebimen teń tústi, dep habarlaidy ult.kz.
Sports.kz málimetinshe, kezdesýde «Midlsbro» sapynan Eiden Morris 23-minýtta esep ashsa, 54-minýtta Iýgo Ragýber alań ielerine esepti teńestirýge kómektesti.
«Bernlidiń» qazaqstandyq shabýylshysy Dastan Sátpaev matchty negizgi quramda bastap, 80-minýtta alańnan shyqty. Ol osy ýaqyt ishinde qaqpaǵa eki ret soqqy jasap, 18 pastyń 17-sin dál jetkizdi. Sonymen qatar dopqa 31 ret tiip, tórt jekpe-jektiń úsheýinde jeńiske jetti jáne bir ret dopty tartyp aldy.
Sátpaev alańnan jankúierlerdiń qoshemetimen shyqty. Oiyn qorytyndysy boiynsha qazaqstandyq fýtbolshy «Midlsbroǵa» qarsy kezdesýdiń úzdik oiynshysy atandy. Bul aqparatty «Bernli» klýby da resmi paraqshasynda rastady.
Aita keteiik, «Bernli» chempionatta ázirge jeńiske jetken joq. Komanda eki ret teń túsip, eki ret jeńilgen.
Sátpaev klýb sapynda tórt match ótkizdi. Onyń úsheýi Chempionshipte, bireýi Angliia Ligasy kýbogynda ótti.
