Memleket basshysy Qasym-Jomart Toqaevtyń tapsyrmasymen elimizde «Taza Qazaqstan» ekologiialyq aktsiiasy bastalǵan bolatyn. 5 aptaǵa sozylatyn bul naýqannyń birinshi aptasy «Taza ólke» dep atalady. Bul bastamany Túrkistan oblysynyń tabiǵat janashyrlary qýanyshpen qabyldap, jumysty bastap ketti, dep habarlaidy "Ult aqparat" Túrkistan oblysy ákiminiń baspasóz qyzmetine silteme jasap.
Óńir basshysy Darhan Satybaldy Belsendi demalys saiabaǵyna aǵash otyrǵyzyp, «Taza Qazaqstan» sharasyna qoldaý bildirdi. Jańa aktsiiany qoldaý jóninde óz úndeýin jariialady. Ekologiialyq aktsiiaǵa qatysqan jastarmen júzdesip, pikir almasty. Otanshyldyq – tazalyqtan bastalatynyn aityp, aǵash egip, týǵan jerdiń tazalyǵyn saqtaý, tabiǵatyn qorǵaý árbir adamnyń mindeti ekenin jetkizdi.
«Búgin biz qoǵam úshin mańyzdy ekologiialyq is-sharada kezdesip turmyz! Memleket basshysy Qasym-Jomart Kemelulynyń tapsyrmasymen elimizde «Taza Qazaqstan» ekologiialyq aktsiiasy bastaldy. Bul bastamany Túrkistan oblysynyń tabiǵat janashyrlary qýanyshpen qabyldady. Óitkeni, óńirimizde belsendi, otanshyl azamattar óte kóp. Túrkistan oblysynda «Taza ólke – Túrkistan» aktsiiasyn bastadyq. Osyǵan bailanysty ótken aptadan beri aýdan, qalalarda tazalyq, kógaldandyrý jumystary bastalyp ketti. Bul – bir ailyq naýqan emes. Maqsatymyz – tazalyq saqtaý, aǵash, gúl egýdi ómirlik daǵdyǵa ainaldyrý. Osy salaǵa jaýapty basqarmalarǵa, aýdan, qala ákimderine, kommýnaldyq mekemelerge naqty tapsyrmalar berildi. Arnaiy tehnikalar, resýrstar bólindi. Biz «Taza Qazaqstan» aktsiiasy aiasynda Túrkistanymyzdy odan saiyn túrlendire túsemiz! Oǵan múmkindigimiz jetedi», – dedi oblys ákimi Darhan Satybaldy.
Respýblikalyq aktsiianyń maqsaty – ekologiialyq mádenietti qalyptastyrý, turǵyndardyń, jastardyń tabiǵatqa degen súiispenshiligin oiatý.
«Tabiǵat — el bailyǵy» demekshi, memleket damýy úshin tabiǵatqa degen qurmet bolýy tiis. Qorshaǵan ortany qorǵaý arqyly Otanǵa degen patriottyq sezim oianady. Sondyqtan, biz óz ortamyzdy, kóshemizdi, aýylymyzdy, qalamyzdy taza ustaýymyz kerek. Aryqtardy tazalap, bulaq kózderin ashý – mindetimiz! Osy baǵytta judyryqtai jumylyp jumys isteimiz dep senemin! Memleket basshysynyń tapsyrmasy aiasynda 2021-2025 jyldar aralyǵynda óńirimizdegi 800-den astam eldi mekendi kógaldandyrý úshin 4 millionnan astam kóshet egý kózdelgen. Qazir jumystar júrýde. Biyldyń ózinde 1 millionnan astam kóshet egilýde. Taýlar da, ormandar da, ózen-kólder de, baitaq dala da, aýyldar da, qalalar da – bizdiki. Osy bailyǵymyzǵa janashyrlyqpen qaraiyq! Kóshesiniń tazalyǵyna qarap, azamatyn, halqyn tanisyń. Endeshe, barsha Túrkistan óńiriniń turǵyndaryn osy aktsiiany qoldaýǵa shaqyramyn! Birlik pen eńbektiń arqasynda Túrkistanymyzdy jasyl aimaqqa ainaldyraiyq!» dedi oblys ákimi Darhan Satybaldy.
«Taza ólke» naýqany bastalǵaly beri oblysta 1500 kóshe jáne 33 myńnan astam aiaqjol tazalanyp, 850 tonna qoqys shyǵaryldy. Sondai-aq 140 myńnan astam aǵash áktelip, 138 myńǵa jýyq kóshet otyrǵyzyldy. Budan bólek 275 saiabaq jáne skver, 192 dana balalar jáne sport alańshalary tazalandy. Bul is-sharalarǵa 279 tehnika jáne 15 myńnan astam adam qatysty.
10 sáýir men 11 mamyr aralyǵynda Túrkistan oblysynda «Taza ólke – Túrkistan» naýqany ótedi. Ár aptaǵa arnaiy at berilip, túrli baǵytta ekologiialyq is-sharalar uiymdastyrylady. Oblystyń barlyq aýdanyn jáne qalalaryn qamtityn naýqanǵa oblystyń árbir turǵyny men qonaǵy qatysa alady.
