Foto: kaz.tengrinews.kz
Semeide basynan alyp ehinokok shyqqan 20 jastaǵy qyz aýrýhanadan shyqty, - dep habarlaidy Tengrinews.kz portaly.
Dárigerlerdiń sózinshe, naýqastyń jaǵdaiy jaqsy jáne ómirine qaýip tónip turǵan joq.
"Naýqas keshe aýrýhanadan shyqty. Eshqandai shaǵymy joq, endi turǵylyqty mekenjaiy boiynsha nevropatologtyń baqylaýynda bolady. Tigister alyndy, jara birtindep jazylyp kele jatyr", - deidi Semei qalasynyń Jedel meditsinalyq járdem aýrýhanasynyń neirohirýrg dárigerleri.
Alyp ehinokokty alyp tastaý operatsiiasyn Semei Jedel meditsinalyq járdem aýrýhanasynyń neirohirýrgiia bólimshesiniń dárigerleri Altai Kúltumanov, Tóleýǵali Qoishybaev, Qumar Seiilhanov jáne Damir Bekenov júrgizdi. Naýqas dárigerlermen estelikke sýretke tústi.
Eske salaiyq, 18 qańtarda Semeide dárigerler qyzdyń miynan alyp qurt alyp shyqqanyn habarlaǵan bolatynbyz.
Midaǵy isiktiń bul túri dárigerler tájiribesinde sirek kezdesedi. 17 qańtarda 20 jastaǵy qyz Semei qalalyq jedel járdem aýrýhanasynyń nevropatolog dárigerlerine kelgen. Alǵashynda ony insýlt boldy dep oilaǵan, biraq miynyń tomografiiasynda diametri 5,5 santimetr bolatyn úlken kista anyqtaldy.
