Britandyq Matchroom Boxing promoýterlik kompaniiasy jeńilip kórmegen qazaqstandyq boksshy Daniiar Eleýsinov (9-0, 5 KO) týraly beinesiýjet jariialady, dep habarlaidy Sports.kz.
Filmde Eleýsinovtiń kásibi mansabyn bastaǵan kezi, odan keiingi damýy jáne jekpe-jektiń syrtyndaǵy sátter kórsetilgen.
Aita ketsek, Daniiar koronavirýs pandemiiasyna bailanysty AQSh-ta karantin jariialanǵandyqtan Bointon-Bichte (Florida shtaty) qalyp qoidy. Sońǵy málimet boiynsha, AQSh-ta COVID-19 juqtyrǵan 960 896 adam tirkelgen (qaitys bolǵandar - 54 265, jazylyp shyqqandar – 118 162).
Eleýsinovtiń kásibi mansabyna keler bolsaq, ol kelesi jekpe-jegin burynǵy álem chempiony, namibiialyq boksshy Djýliýs Indongoǵa (23-2, 12 KO) qarsy ótkizýi kerek.
Eske sala ketsek, Matchroom Boxing kompaniiasyn taǵy bir qazaqstandyq boksshy Gennadii Golovkinmen (40-1-1, 35 KO) jumys isteidi. Bul kompaniiany Eddi Hirn basqarady.
