Qazaqstandyq jas ónerpaz Daneliia Tóleshova Iýliia Pershýtanyń «Mamyr aiy» ániniń kaver nusqasyn oryndady, - dep habarlaidy "
PR-direktor Tatiana Sinenkonyń aitýynsha, jas ánshi ánin Jeńistiń 75- jyldyǵyna arnady.
«Biz bul kompozitsiiany otbasymyzben tańdadyq. Soǵystyń surapyl jyldaryn kórgen adamdardyń júregine jol tabatyn án izdedik. Men bul ándi ózimniń arǵy atalarym Satymbek Tóleshov pen Kaden Nazaralievtiń rýhyna arnaimyn», - dedi ánshi.
Satymbek Tóleshov Qyzyl Juldyz ordenimen, Polsha, Chehoslovakiia medaldarymen, Otan soǵysy ordenderimen, Polshanyń joǵary mártebeli Vertýty Militari ordeniniń kavaleri ataǵymen marapattalǵan.
Al ánshiniń naǵashy atasy Kaden Nazaraliev tyl ardageri bolǵan. Qurmet ordenimen, Otan soǵysy medalimen marapattalǵan.
«Barlyq qazaqstandyqtarǵa ashyq aspan, beibit ómir tilegim keledi», - dedi ánshi.
