Qazaqstandyq jas ánshi Daneliia Tóleshova America’s Got Talent shoýynyń jartylai finalynda óner kórsetti, dep habarlaidy "Ult aqparat".
Qazaqstandyq 14 jastaǵy Daneliia Tóleshova Amerikanyń Got Talent jartylai finalynda óner kórsetti. Tanymal shoý NBC telearnasynyń tikelei efirinde ótti.
Daneliia britandyq tanymal ánshiniń Jessie J «Who you are» ánin oryndady.
«Men óte qobaljyp turmyn. Sebebi, qarsylastarym óte myqty. Men finalǵa shyǵyp óner kórsetkim keledi», – dedi Daneliia.
Eske salaiyq, Daneliia Tóleshova shilde aiynyń sońynda amerikandyq America’s Got shoý jobasynyń úshinshi týryna ótken bolatyn. Álemge tanymal baiqaý qazir pandemiiaǵa bailanysty onlain formatta ótip jatyr.
