Aqtóbede dámhanalardyń birinde kelýshiniń uialy telefonyn urlady degen kúdikpen er adam ustaldy, dep habarlaidy ult.kz.
Polisia.kz-tiń aldyn ala málimet boiynsha, kelýshi alkogoldik ishimdik ishkennen keiin ústel basynda uiyqtap qalǵan. Osy sátti paidalanǵan kúdikti onyń janyndaǵy ústelde jatqan telefondy jasyryn alyp, oqiǵa ornynan ketip qalǵan.
Jedel-izdestirý is-sharalary barysynda politsiia qyzmetkerleri kúdiktiniń jeke basyn anyqtap, ony bólimshege jetkizdi.
Atalǵan derek boiynsha urlyq faktisimen sotqa deiingi tergep-tekserý bastaldy. Qazirgi ýaqytta oqiǵanyń barlyq mán-jaiy anyqtalyp jatyr.
Politsiianyń málimetinshe, jyl basynan beri Aqtóbe oblysynda uialy telefon urlyǵynyń 117 deregi tirkelgen.
Osyǵan bailanysty tártip saqshylary azamattardy jeke múlkine muqiiat bolýǵa shaqyrady. Politsiia qoǵamdyq oryndarda telefondy qaraýsyz qaldyrmaýǵa, kózge túsetin jerge qoimaýǵa, alkogoldi shamadan tys tutynbaýǵa, telefondy jabylatyn sómkede nemese ishki qaltada saqtaýǵa jáne múlik joǵalǵan jaǵdaida dereý politsiiaǵa habarlasýǵa keńes beredi.
