Foto: «Dala Qyrandary» jastar qoǵamdyq birlestigi
2024 jylǵy 9 sáýirde, saǵat 10.00-de «Dala Qyrandary» jastar qoǵamdyq birlestigi Taitóbe aýylyna kele jatqan aǵyn sýǵa tosqaýyl qoiý jumystaryn júrgizdi.
Sharaǵa qatysýshylar eriktilerdiń jinaý ortalyǵy uiymdastyrylǵan Geidar Áliev kóshesi, 14 mekenjaiyndaǵy birlestiktiń shtabynda jinaldy. Bul jerde qyrandar birneshe jasaqqa bóligennen keiin kent baǵytynda jolǵa shyqty.
Eske salsaq, «Dala Qyrandary» JQB naýryz aiynda Qoiandy aýylynyń turǵyndaryna kómekke kelgen bolatyn. Bizdiń qyrandar aýlalardy erip úlgermegen qardan tazartý arqyly jergilikti turǵyndardyń baspanalaryna qyzyl sýdyń kirýine jol bermedi. Al 3 sáýir kúni biz Astanadaǵy gýmanitarlyq kómek jinaý núktesine kómektestik. Bul joly qajetti zattardy satyp alýǵa kómektesýmen bólek, biz qaiyrymdy azamattar jibergen azyq-túlik jáne basqa da dúnielerdi sol jerde túgendep, olardy elimizdiń sý basqan aýdandaryna odan ári tasymaldaý úshin kólikterge tiedik.
