«Dala folklorynyń antologiiasy» jinaǵy Elbasy N.Nazarbaevtyń «Uly dalanyń jeti qyry» maqalasy aiasynda QR Aqparat jáne qoǵamdyq damý ministrliginiń bastamasymen júzege asty.
«100 jylǵa jýyq tarihy bar «Qazaq» radiosynyń Altyn qorynda saqtalǵan rýhani muralarymyzdy jaryqqa shyǵarý óte mańyzdy ári eleýli oqiǵa dep oilaimyn. Tuńǵysh Prezidentimiz N. Nazarbaevtyń «Uly dalanyń jeti qyry» dep atalatyn maqalasy osy eki tomdyq jinaqty shyǵarýǵa túrtki boldy. Eń aldymen, bul joba arqyly balalarymyzdyń sanasyna babalarymyzdyń bai murasyn sińiremiz», - dedi QR Aqparat jáne qoǵamdyq damý ministri Dáýren Abaev Ortalyq kommýnikatsiialar qyzmetinde ótken baspasóz máslihatynda.
Atalǵan jinaqqa Qazaq radiosynyń «Altyn qorynda» 1948 jyldan beri saqtalǵan halqymyzdyń mádeni muralary, san ǵasyrlyq tarihqa toly shyǵarmalary – ertegiler, batyrlar jyry, aitys óneri, sheshendik sózder, jyr-dastandar, kúi-termeler jáne t.b endi.
«Uly dalamyzdyń folklorymen ósken urpaq eshqashan utylmaidy. Óitkeni, bizdiń ertegilerimiz, batyrlar jyry, ańyzdarymyzda da babalar amanaty, qazaqtyń bolmysy beinelengen. «Dala folklorynyń antologiiasy» jinaǵynyń taǵy bir ereksheligi, bul kitaptyń ishindegi arnaiy diskilerge jazylǵan ánder alǵashqy oryndaýshylardyń únimen túpnusqa qalpynda enip otyr», - dedi Dáýren Abaev.
Jinaqta HIH ǵasyrdaǵy halyq kompozitorlarynan án úirenip, olardyń bizdiń zamanymyzǵa deiin úzilmei jetýine úles qosqan barlyq ónerpaz qamtylǵan. Atap aitqanda, Ámire Qashaýbaevtyń “Balqadishasy”, “Dýdaraiy”, “Jalǵyz arshasy” men “Besqarageri” bar. Kenen Ázirbaevtyń “Kók sholaǵyn”, “Boztorǵaiyn”, “Bulbulǵa” jáne “Dombyrasyn” tyńdaýǵa bolady. Manarbek Erjanov, Qali Baijanov, Baiǵabyl Jylqybaev syndy daýylpaz jyrshylardyń áni de osy jinaqqa engizilgen. Kúige kelsek, Dina Nurpeiisova, Jappas Qalambaev, Ábiken Hasenov pen Maǵaýiia Hamzinniń oryndaýyndaǵy qundy shyǵarmalar toptastyrylǵan.
