Britaniianyń Bas sanitar dárigerleri jasóspirimderdi koronavirýsqa qarsy vaktsinatsiialaýdy usyndy, dep habarlaidy "Ult aqparat" COVID-19 taralýyna jol bermeý jónindegi vedomstvoaralyq komissiianyń Telegram kanalyna silteme jasap.
Málimdemede aitylǵandai, mundai sheshim «qoǵamdyq densaýlyq saqtaý sebepteri boiynsha» qabyldandy, sonymen qatar «vaktsinatsiia mektepterde COVID-19 taralý deńgeiin tómendetýge múmkindik beredi».
Sloveniiada 15 qyrkúiekten bastap kovidpen kúresý úshin jańa shekteý sharalary qoldanylady. Eldiń kez-kelgen jerine kedergisiz barý úshin azamattar tekserý qorytyndysy bolýy nemese vaktsina pasporty bolýy kerek. Sondai-aq aýyryp saýyqqannan keiin alty aidan artyq ýaqyt ótpegen bolýy kerek.
Litva koronavirýstan vaktsinatsiialanbaǵan adamdarǵa qatań shekteýler engizdi. Vaktsina almaǵan adamdar aýdany 1,5 myń sharshy metrden asatyn saýda ortalyqtaryna, barlyq azyq-túlik emes dúkenderge bara almaidy. Sondai-aq, olar úshin tamaqtaný mekemelerine jáne qoǵamdyq is-sharalarǵa kirýge tyiym salynǵan.
