Foto: REUTERS
Dúniejúzilik densaýlyq saqtaý uiymynyń bas direktory Tedros Adhanom Gebreiesýs koronavirýs pandemiiasy áli de aiaqtalmaǵanyn málimdedi, - dep habarlaidy Massaget.kz portaly Xinhua agenttigine silteme jasap.
Uiym Eýropa elderine qart adamdarǵa, immýniteti álsiz adamdar men aiaǵy aýyr áielderge, sonymen qatar, meditsinalyq mekemede jumys isteitinderge vaktsinanyń úshinshi dozasyn salýdy usyndy.
"Virýstyń jańa tolqyny júrip jatyr, pandemiia áli aiaqtalmady jáne virýs erkin tarap jatyr", - deidi Gebreiesýs.
DDSU densaýlyq saqtaý salasyndaǵy tótenshe jaǵdailar jónindegi baǵdarlamasynyń atqarýshy direktory Maikl Raiannyń aitýynsha, koronavirýstyń órshýi "omikron" BA.4 jáne BA.5 nusqalarymen, sondai-aq qoǵamdyq densaýlyq saqtaý sharalary men áleýmettik sharalardy alyp tastaýymen bailanysty.
"COVID-19 jaǵdaiynyń kóbeiýine alańdap otyrmyn, bul densaýlyq saqtaý júiesi men meditsina qyzmetkerlerine júk túsirip otyr. Sonymen qatar, adam ólimi kóbeigenine alańdap otyrmyz", - deidi Raian.
