25 tamyzdan beri elimizde COVID-19-ben kúreske jumyldyrylǵan 103 nysan jabyldy. QR Densaýlyq saqtaý ministri Alesei Tsoi Úkimet otyrysynda osyndai málimet berdi, dep habarlaidy QazAqparat.
«Qazaqstan boiynsha 1 tamyzdan bastap infektsiialyq tósekterdiń júktelim deńgeii 56-dan 34%-ǵa deiin, reanimatsiialyq tósekterdiń júktelimi 45-ten 29%-ǵa deiin tómendegeni baiqalady. Rezervte 20 myńǵa jýyq tósek-oryn bar», - dedi ministr.
Onyń málimeti boiynsha, epidemiologiialyq ahýaldyń turaqtanýyna bailanysty ýaqytsha infektsiialyq nysandardy jabý jumystary jalǵasyp jatyr.
«Biyl 25 tamyz ben 18 qazan aralyǵynda barlyq óńirlerde 103 nysan, naqty aitsaq, 30 881 infektsiialyq tósek jabyldy», - dedi Aleksei Tsoi.
