15 qyrkúiekte 3343 adamnyń analizinen koronavirýs anyqtaldy.
Almatyda - 704, Qaraǵandy oblysynda – 463, Nur-Sultanda – 339, Almaty oblysynda – 278, Aqtóbe oblysynda 240 adamnyń koronavirýs testi oń shyqqan. Koronavirýs juqtyrǵandar sany jóninen Almaty qalasy (161 myń) birinshi orynda tur. Nur-Sultanda indet bastalǵaly beri 137 myń adam koronavirýsqa shaldyqqan.
2020 jyldyń naýryz aiynan beri 851 myń adamnyń PTR testi oń shyqqan. 10 549-y qaitys bolǵan.
Buǵan deiin densaýlyq saqtaý ministri Aleksei Tsoi Qazaqstanda epidemiologiialyq ahýal turaqtalǵanyn habarlaǵan. Biraq elde koronavirýs kórsetkishi pen onymen bailanysty adam ólimi byltyrmen salystyrǵanda áli de joǵary.
Seisenbi, 14 qyrkúiekte Qazaqstanda koronavirýspen bailanysty 64 adam ólimi tirkeldi: 58 adam – koronavirýstan, 6 adam koronavirýs pnevmoniiasynan qaitys boldy dep aitylady.
Qazaqstan 2020 jyldyń 1 tamyzynan bastap PTR testi teris shyqqan, biraq aýrý belgileri boiynsha koronavirýsqa uqsaityn "kovidtektes pnevmoniia" esebin júrgizip keledi. Osy kúnge deiin pnevmoniianyń bul túrine 73,3 myń adam shaldyqqan. Onyń ishinde 4706 adam aýrýdan aiyǵa almai qaitys bolǵan. 14 qyrkúiekte 241 adamǵa koronavirýs pnevmoniiasy diagnozy qoiyldy.
Qazir eld 74 492 adam koronavirýs infektsiiasynan (66 006 KVI+ jáne 8 486 KVI-) emdelip jatyr. Onyń ishinde 13 853 patsient statsionarda, 60 639 naýqas ambýlatoriialyq deńgeide em qabyldaýda.
KVI+, KVI- shaldyqqandar arasynda:
- 1 105 adamnyń jaǵdaiy aýyr
- 321 patsienttiń jaǵdaiy óte aýyr
- 194 naýqas ÓJJ apparatynda jatyr.
19 million halqy bar Qazaqstanda úkimet 10 million azamatqa koronavirýs vaktsinasyn salýdy kózdep otyr. Búginge keiin deiin ekpeni 6 mln-nan astam adam tolyq alǵan. Budan bólek, 1,1 mln adam vaktsinanyń ekinshi dozasyn kútip otyr.
Amerikalyq Djons Hopkins ýniversitetiniń málimeti boiynsha, álemde 226 mln adam koronavirýsqa shaldyqqan, 4,6 milliony qaitys bolǵan.
