UEFA Chempiondar ligasy jartylai finalyna shyqqan úshinshi komanda belgili boldy, dep habarlaidy "Ult aqparat".
Búgin Ispaniianyń «Barselona» jáne Germaniianyń «Bavariia» komandalary kezdesti. Eki komandanyń da áleýetin jankúierler jaqsy biledi. Sondyqtan oiynnyń tartysty bolatyny belgili edi.
Dese de kezdesý «Barselona» úshin sátsiz bastaldy. Birinshi kezeńde olar óz qaqpasyna tórt gol jiberip aldy. Oǵan nebári bir ǵana golmen jaýap qaiyrdy. Aldymen 4-minýtta «Bavariia» oiynshysy Tomas Miýller esep ashty. Al 7-minýtta tarazy basy teńesti. Germaniialyq klýbtyń fýtbolshysy David Alaba dopty óz qaqpasyna engizip aldy. Budan keiin «Bavariia» taǵy da úsh gol soǵyp ketti. Oiynnyń 21-minýtynda Ivan Perishich qarsylas komanda qaqpashysyn qapy qaldyrsa, 27-minýtta Serj Gnabri esepti ústemelei tústi. Al 31-minýtta Tomas Miýller kezdesýdegi ekinshi golynyń avtory atandy. «Barselona» sapynan Lýis Sýares 57-minýtta esep aiyrmasyn qysqartsa, 63-minýtta «Bavariia» sapynan Iozýa Kemmih qaitadan basymdyqty arttyra tústi. Al Robert Levandovski - 82, Filippe Koýtino - 85, 88-minýtta gol soqty. Osylaisha, «Bavariia» 8:2 esebimen jeńiske jetti. Endi nemis komandasy jartylai finalda 19 tamyzda «Manchester Siti» (Angliia) jáne «Lion» (Frantsiia) jubynyń jeńimpazymen kezdesedi.
Esterińizge sala ketelik, budan buryn jartylai finalǵa Frantsiianyń «Pari Sen-Jermen» jáne Germaniianyń «Leiptsig» komandalary joldama aldy.
Aita keter bolsaq, Chempiondar ligasynyń shirek finalynan bastap qalǵan bóligi Portýgaliia astanasy - Lissabon qalasynda ótip jatyr. Ol segizdik finaly formatynda bolady.
Endi jartylai final 18-19, al final 23 tamyz kúnderi ótkiziledi.
