Qazgidromet 2 qazanǵa arnaǵan aýa raiy boljamyn jariialaidy, dep habarlaidy "Ult aqparat".
Tsiklon jyrasy jáne onymen bailanysty atmosferalyq fronttar burynǵysynsha Qazaqstannyń shyǵys jartysyna óziniń áserin tigizedi. Onda qubylmaly aýa raiy saqtalyp, jaýyn-shashyn (jańbyr, qar) jaýady. Ońtústik-shyǵystyń taýly aýdandarynda kei ýaqytta qatty jaýyn-shashyn bolyp, jel kúsheiedi. Túnde tuman, kóktaiǵaq boljanady. Qazaqstannyń batys jartysy aýqymdy eýropalyq antitsiklonnyń yqpalynda bolady.
Túnde jáne tańerteń Qostanai oblysynyń soltústiginde, soltústik-shyǵysynda tuman, kóktaiǵaq shańdy daýyl kútiledi, oblystyń soltústiginde, soltústik-shyǵysynda jel 15-20 m/s kúsheiedi.
Soltústik Qazaqstan oblysynyń batysynda tuman kútiledi, oblystyń shyǵysynda jeldiń jyldamdyǵy 15-20 m/s jetedi.
Túrkistan oblysynyń taýly aýdandarynda, Pavlodar oblysynyń basym bóliginde jel 15-20 m/s kúsheiedi.
Shyǵys Qazaqstan oblysynyń soltústik jartysynda, Qaraǵandy oblysynyń soltústiginde jáne shyǵysynda tuman, kóktaiǵaq kútiledi, Shyǵys Qazaqstan oblysynyń soltústik jartysynda jáne ońtústiginde jel 15-20 m/s jyldymdyqpen soǵady.
Almaty, Jambyl oblystarynyń ońtústik bóliginde jáne taýly aýdandarynda jel 15-22 m/s kúsheiedi, túnde jáne tańerteń soltústiginde jáne taýly aýdandarda tuman túsedi.
