QR Eńbek jáne halyqty áleýmettik qorǵaý ministrligi Eńbek, áleýmettik qorǵaý jáne kóshi-qon komitetiniń tóraǵasy Erbol Nurǵaliev ziiandy jumys oryndary eń kóp tirkelgen óńirlerdi atady, dep habarlaidy QazAqparat.
«Resmi statistika boiynsha, 2020 jyly tekserilgen kásiporyndardaǵy 1,6 mln qyzmetkerdiń 367 myńy (22%) ziiandy eńbek jaǵdailarynda eńbek etken. Olardyń eń kóp sany Qaraǵandy (74 myń adam), Pavlodar (46 myń adam), Shyǵys Qazaqstan (37 myń adam) jáne Mańǵystaý oblystarynda (32 myń adam) jumys istedi», - dedi ol ortalyq kommýnikatsiialar qyzmetinde ótken brifingide.
Komitet basshysynyń málimeti boiynsha, tek taý-ken óndirý salasynda ǵana 120,8 myń adam adam ziiandy jaǵdaida jumys istegen.
«Shý men dirildiń joǵary deńgeii jaǵdaiynda árbir ekinshi jumysshy (46%), joǵary gazdy jáne shańdy aimaqta árbir úshinshi jumysshy (32%) eńbek etken. 94 myń adam aýyr jumysqa tartylǵan», - dedi Erbol Nurǵaliev.
