QR Syrtqy ister ministriniń orynbasary Aqan Rahmetýllin Birikken ulttar uiymynyń Aýǵanstanǵa járdemdesý jónindegi missiiasy Almatyda qanshaý ýaqyt jumys isteitini aitty, dep habarlaidy QazAqparat agenttigi.
«Biz BUU-nyń Aýǵanstanǵa kómek kórsetý jónindegi missiiasynyń rólin joǵary baǵalaimyz. Memleket basshysynyń tapsyrmasy boiynsha Syrtqy ister ministrligi quzyretti organdarmen jáne qyzmettermen birlesip, olardyń ishinde Almaty ákimdigi, IIM, IIDM AAK, UQK, DSM – Qazaqstandaǵy BUU–nyń negizgi komandasymen tyǵyz úilestire otyryp, reisti qabyldaý jáne BUU ókilderin Almatyǵa ýaqytsha ornalastyrý máselesin jedel pysyqtady», - dedi Aqan Rahmetýllin ortalyq kommýnikatsiialar qyzmetinde ótken brifingide.
Onyń aitýynsha, kelgenderdiń bári uiymnnyń halyqaralyq qyzmetkerleri.
«Olardyń qatarynda BUU Bas hatshysynyń arnaiy ókili jáne Aýǵanstanǵa kómek kórsetý boiynsha BUU missiiasynyń basshysy Debora Lions hanym bar. Kelgen qyzmetkerlerdiń bir bóligi jaqyn arada BUU-nyń basqa elderdegi bólimshelerine barady. Biraq olardyń basym bóligi, shamamen 100 adam Qazaqstanda qalady jáne Almatyda UNAMA-nyń ýaqytsha qashyqtaǵy keńsesin qurady. UNAMA-nyń qashyqtan isteitin keńsesin ornalastyrý ázirshe jarty jylǵa josparlanyp otyr jáne Aýǵanstandaǵy jaǵdaidyń odan ári damýyna bailanysty uzartylýy múmkin», - dep atap ótti spiker.
Ol qyzmetkerlerdiń turýy, keńseni jalǵa alý jáne basqa da shyǵyndar BUU biýdjetinen tolyq qarjylandyrylatynyn atap ótti.
