Qaýipsizdik keńesiniń apparatynda birqatar kadrlyq aýys-túiis boldy. Búgin birneshe laýazymǵa jańa basshylar taǵaiyndalǵany belgili boldy, dep habarlaidy ult.kz.
Atap aitqanda, Nurjan Qajyaqbarov Qaýipsizdik keńesi apparaty basshysynyń birinshi orynbasary qyzmetine keldi.
Al buryn Qazaqstannyń Qorǵanys ministri bolǵan Rýslan Jaqsylyqov Qaýipsizdik keńesi apparaty basshysynyń orynbasary bolyp taǵaiyndaldy.
Sonymen qatar Gennadii Zýev te Qaýipsizdik keńesi apparaty basshysynyń orynbasary qyzmetin atqaratyn boldy.
Rýslan Jaqsylyqov Qorǵanys ministrligin 2022 jyldan 2025 jyldyń maýsymyna deiin basqarǵan. Ol bul qyzmetke qańtar oqiǵalarynan keiin kelgen edi. Ministrlikten ketkennen keiin onyń jańa qyzmeti týraly aqparat qoǵam nazaryn aýdardy.
Jańa taǵaiyndaýlar Qaýipsizdik keńesi apparatynyń jumysyn kúsheitý jáne memlekettik qaýipsizdik salasyndaǵy mindetterdi úilestirý baǵytyndaǵy kadrlyq ózgeristerdiń biri bolyp otyr.
