«Burabike Fest -2019» qaiyrymdylyq sharasynda 300 mln teńgeden astam qarjy jinaldy, dep habarlaidy QazAqparat.
Dástúrli qaiyrymdylyq sharasy osymen 7 jyl ótip, oǵan 4 myń adam qatysty.
«Jeti jyl ishinde «Burabike Fest» sporttyq-mýzykalyq festivali elimizdegi eń iri qaiyrymdylyq is-sharaǵa ainaldy. Biyl jańa jańa formatpen ótip, odan túsken qarajat rekordtyq kórsetkishke jetti. Naqty aitqanda, eki kúnniń ishinde 300,2 mln teńge qarjy tústi. Bul somanyń barlyǵy meditsinalyq qyzmetterdiń sapasy jaqsartý men zamanaýi diagnostikalyq jáne reabilitatsiialyq qural-jabdyqtar satyp alýǵa jumsalady», - dedi B. Ótemuratov qorynyń direktory Marat Aitmaǵambetov.
Uiymdastyrýshylardyń aitýynsha, festival bastalǵanǵa deiin tirkeý jáne qaiyrymdylyq jarnalarynyń ózinen 130 mln teńge soma jinalǵan.
Aita ketsek, biyl «Burabike Fest -2019» eki kún ótti. Alǵashqy kúni kásibi veloshabandozdar 35 shaqyrymnan 70 shaqyrym qashyqtyq aralyǵynda ózara synǵa tússe, ekinshi kúni áýesqoilar arasynda 10 shaqyrymdyq velosherý uiymdastyryldy.
Buǵan deiin deiin habarlaǵanymyzdai, biyl atalǵan sharaǵa qatysýshylar sany da rekordtyq deńgeide boldy.
Sondai-aq, festival aiasynda ótken qaiyrymdylyq aktsiiasy aiasynda otandyq tanymal ánshi Dimash Qudaibergenniń sahnalyq kostiými 600 myń teńgege satyldy.
