Taiaýda «Rýhani jańǵyrý» baǵdarlamasyn júzege asyrý maqsatynda Jastar jylyna orai, Aqmola oblysy ákiminiń tikelei qoldaýymen oblystyq mádeniet, arhivter men qujattamalar basqarmasy men oblystyq halyq shyǵarmashylyq jáne mádeni demalys ortalyǵy, «Qazaqstan — Kókshe» RTRK AQ Aqmola oblystyq filialymen «Býrabai damý» JShS-i birlese otyryp, «Býrabai» vizit ortalyǵynda «Býrabai tolqyndary» atty estrada ánderin oryndaýshylardyń II televiziialyq baiqaý-festivali ótti.
Estrada ánderin oryndaýshylardyń baiqaý-festivaliniń basty maqsaty – jańa talant ielerin anyqtaý jáne qoldaý kórsetý, jastardyń shyǵarmashylyqtaryn damytý, mýzykalyq ónerdi dáripteý, kópshilikke taratý, sonymen qatar «Býrabai» kýrortynyń týristik áleýmetin damytýǵa yqpal etý. Baiqaý-festivalge Aqmola, Qostanai, Soltústik Qazaqstan, Pavlodar oblystarynan 30-dan asa estrada ánderin oryndaýshylary qatysqany qýantty. «Júzden júirik, myńnan tulpar» – demekshi, óner báigesinde ozyp shyqqan 12 úmitker qorytyndy kontsertte ónerlerin kórsetýge múmkindik aldy.
Barlyq estradalyq jas oryndaýshylardyń shyrqaǵan ánderi tyńdarman júreginen oryn aldy. Ásirese, «Oni znakomy davno» ánimen Elaman Majenov (Tselinograd aýdany), «Ómir zańy» ánimen kókshetaýlyq Shahma Áýelbek, «Love» ánimen Muratbek Iliias (Arshaly aýdany), «Jelkildek» ánimen Fariza Jolamanova, «Keshire almadym» ánimen Mahmýtov Nurahmet (Qostanai oblysy), «Na menshee ia ne soglasen» ánimen Rýslan Jumabaev (Pavlodar oblysy), «Confesso» ánimen Bekzat Jumaenov (Atbasar aýdany), «Saǵan ǵashyqpyn» ánimen Meiirjan Qýandyqov (Býrabai aýdany) kórermenderdiń ystyq yqylasyna bólendi.
«Býrabai tolqyndary» baiqaý festivaliniń qadirmendi qonaqtary, qazylar alqasynyń músheleri: respýblikalyq «Jas qanat» jáne halyqaralyq «Shabyt» baiqaýlarynyń jeńimpazy Arailym Baiarlina, ánshi, akter Dastan Orazbekov elge keńinen taralǵan ánderin kórermenderge tartý etip keshtiń ajaryn asha tústi.
Atalmysh is-sharanyń baǵdarlamasyna sáikes «Býrabai – Qazaqstannyń injý-marjany» ekskýrsiiasy uiymdastyrylyp, qatysýshylar «Jailaý» etnosaiabaǵyn tamashalap, «Bólektaý» taýyna kóterildi.
Baiqaý sońynda mádeniet salasynyń úzdigi qazylar alqasynyń tóraiymy Asyltas Tasymova «Býrabai tolqyndary» estrada ánderin oryndaýshylardyń II televiziialyq baiqaý-festivaliniń joǵary deńgeide ótkendigin aita kele, qatysýshylar men uiymdastyrýshylarǵa alǵysyn bildirdi.
Qazylar alqasynyń sheshimimen «Býrabai tolqyndary» estrada ánderin oryndaýshylardyń II televiziialyq baiqaý-festivaliniń jeńimpazy Fariza Jolamanova (Qostanai oblysy) dep tanylyp, Aqmola oblysy ákiminiń arnaiy júldesi – kásibi stýdiiada án jazdyrý úshin sertifikatpen marapattaldy. Úzdik óner kórsetkeni úshin «Jas tolqyn» nominatsiiasymen jáne baǵaly syilyqpen Elaman Majenov (Tselinograd aýdany) marapattaldy. Baiqaýǵa qatysýshylardyń barlyǵyna Aqmola oblysy ákiminiń atynan estelik syilyqtar tabys etildi.
Janar AHMETJAROVA,
Aqmola oblystyq halyq shyǵarmashylyǵy
ortalyǵynyń mamany.
