Foto: Polisia.kz
Aqmola oblysynyń politseileri Býrabai ulttyq tabiǵi parkiniń aýmaǵynda zańsyz balyq aýlaǵan brakonerlerdi ustady, dep habarlaidy Ult.kz.
7 maýsym kúni túngi reid júrgizilgen. Júkei kóli mańynda «GAZel» jáne «Audi 80» kólikteri toqtatylyp, júk kóliginen rezeńke qaiyqtar men tor tárkilendi.
Kólikte bolǵan azamattar Qaraǵandy, Túrkistan oblystary men Shymkent qalasynan kelgeni anyqtaldy. Zańsyz aýlanǵan 178 keli tuqy sol jerde anyqtalyp, tárkilendi.
Osy derek boiynsha QK 335-baby boiynsha is qozǵalyp, tergeý amaldary júrgizilýde.
