Aqmola oblysy Shýchinsk qalasynda «Rýhani jańǵyrý» baǵdarlamasy aiasynda «Ólke tarihy — El tarihy» atty jyljymaly fotokórme ótti. Sharany Aqmola oblystyq memlekettik arhiv qyzmetkerleri uiymdastyrdy.
Kórmeni «Kókke órle» atty ánmen aýdandyq mádeniet úiiniń qyzmetkerleri ashty. Odan keiin qala ákimi Begahmet Mahmetov sóz alyp, kórmeni saltanatty túrde ashty. Jalpy kórmege kelýshiler qatarynda aýdandyq ákimshilik, aýdandyq memlekettik uiymdar, pedagogikalyq kolledj stýdentteri men oqytýshylary, qalalyq mektep oqýshylary men muǵalimder, kitaphana jáne mádeniet úiiniń qyzmetkerleri men jergilikti qala turǵyndary boldy.
Pedagogikalyq kolledj stýdentteri jáne oqytýshylary kórmege úlken qyzyǵýshylyq bildirdi. Kelýshiler uiymdastyrýshylarǵa jáne ekskýrsiia júrgizýshilerge alǵystaryn aityp, lebizderin pikirler kitabynda qaldyrdy.
Aita ketsek, buǵan deiin respýblikalyq «Baldaýren» oqý-saýyqtyrý kesheninde taiaý jáne alys shetelderden kelgen qazaq diasporasy ókilderine arnap «Ólke tarihy — El tarihy» jyljymaly kórmesi ótken bolatyn. Kórmege Mońǵoliia, Qytai, Ózbekstan, Qyrǵyzstan, Resei, Iran, Germaniiadan kelgen qandastarymyz qatysty.
«Rýhani Jańǵyrý» baǵdarlamasy aiasynda iske asyrylyp jatqan kórmeniń basty maqsaty - sheteldegi qazaq diasporasyna Aqmola oblysynyń tarihy men kórnekti tulǵalary, ulttyq mádenieti, salt-dástúri týraly baiandaý.
Fotokórme aldaǵy ýaqytta Aqmola oblysynyń birneshe óńirinde jalǵasady.
