Foto: primeminister.kz
Premer-ministrdiń orynbasary – saýda jáne integratsiia ministri Serik Jumanǵarin páter túrinde para aldy dep aiyptalǵan videoǵa qatysty pikir bildirdi, - dep habarlaidy Tengrinews.kz saity.
"Internet-arna usynǵan aqparatqa súiensek, bul - jala jabý jáne derekterdi burmalaý. Ómirbaianyma, onyń erekshelikterine qarasańyzdar, memlekettik qyzmetke 35 jasymnan keiin kelgenimdi kóresizder. 90-jyldary, 2000 jyldardyń ortasynda ózim qurǵan kásipte jumys istedim", - dedi Jumanǵarin jýrnalisterdiń suraǵyna jaýap berip.
Onyń aitýynsha, sóz bolyp otyrǵan úiler onyń otbasynyń biznes qurylymdaryna tiesili.
"Bul jerde buryn Aqtóbede biz satyp alǵan eski orman sharýashylyǵy bolǵan jáne 2007 jyly sol jerde turǵyn úi kesheniniń qurylysy bastaldy. Ókinishke qarai, sátsiz ýaqyt bolatyn, 2007 jyl, ipotekalyq daǵdarys boldy, onda úlken qarjy jumsaldy, qurylysty toqtatýǵa týra keldi, jalpy alǵanda, kompaniia úshin qiyn jaǵdai boldy, nesielik júkteme jáne t.b. Sonymen qatar, 2011 jyly isti retke keltirý úshin memlekettik qyzmetten ketýge týra keldi. Kompaniialardy qaita qurylymdaý, qaryzdardan qutylý, sonyń ishinde osy úilerdi salý", - dedi Jumanǵarin.
Ol páterler salyq júktemesin azaitý maqsatynda áieliniń atyna jazylǵanyn aitty.
"2012 jyly men investitsiialyq kompaniia qurdym, investitsiia tarttym, sonyń ishinde ózimdiki jáne bul úilerdiń qurylysyn aiaqtadyq, biraq, ókinishke qarai, adamdardyń qalaýy ózgerdi. Bul - úlken aýmaqtar, ol kezde qajet emes edi, 2007 jyldan 2012 jylǵa deiin. Birinshiden, uzaq merzimdi qurylys, ekinshiden, bul páterler keiin ótpedi, 2016 jyly sheshim qabyldandy, óitkeni kompaniiaǵa aýyrtpalyq óte úlken boldy, zańdy tulǵalar úshin múldem basqa salyqtar bar, olar birneshe ese joǵary, salyq salýdy ońtailandyrý úshin osy páterlerdiń bárin jekege ótkizýge týra keldi. Bul jerde eshqandai kriminal joq", - dep túsindirdi Jumanǵarin.
Vitse-premer otbasynyń advokattary arnany sotqa berýdi josparlap otyrǵanyn aitty.
"Meniń otbasyma, biznesime, kez kelgen qadamyma bailanysty barlyq máseleler - bári memlekettik qyzmetke kelgen sátten bastap jariialandy. Men TsDIAÓM arqyly tekserdim, aqparat deklaratsiiany tapsyrý kezinde resmi kózderden alynǵan. Men onyń "Basege" qalai jetkenin, meniń sýretterim qalai qoldaryna túskenin jáne t.b. bilmeimin. Suraqty olarǵa qoiý kerek, óitkeni qazir meniń otbasymnyń advokattary sot isin júrgizý máselelerin pysyqtap jatyr", - dep túiindedi ol.
Buǵan deiin YouTube jelisindegi "Base" arnasynyń avtorlary Serik Jumanǵarin ondaǵan páter túrinde para alǵanyn málimdegen bolatyn.
