Densaýlyq saqtaý ministri Aleksei Tsoi Qazaqstanda halyqty qaita vaktsinatsiialaý qashan bastalatynyn aitty, - dep habarlaidy Tengrinews.kz agenttigi.
"Qazaqstan DDU Eýropalyq óńiriniń joǵary deńgeidegi tobyna, iaǵni Eýropalyq óńirdegi standarttarmen ainalysatyn jumys tobyna kirdi. Zertteý boiynsha revaktsinatsiiany saqtyqpen jasaý kerek degen qorytyndy bar. Sondai-aq, birinshi qatardaǵy jumyskerlerdi jáne antideneleri joq azamattardy vaktsinatsiialaý qajet. Qandai vaktsina salý kerek, qandai dozada degen suraqtar ishki immýndaý komissiiasynda qaralyp jatyr", - dedi Aleksei Tsoi OKQ brifinginde.
Onyń aitýynsha, jaqyn arada vedomstvoaralyq komissiianyń otyrysynda revaktsinatsiia baǵdarlamasyn bekitý boiynsha usynystar men parametrler usynylady.
"Biz álemdi muqiiat qadaǵalaimyz. Ár túrli tásilder bar. Kóptegen elderde 6 aidan 9 aiǵa deiingi ýaqytta revaktsinatsiiany salatyn dinamika bar. Kóbine ol vaktsina salýdy ótken jyly bastaǵan elderde kezdesedi. Bul elderde ekinshi vaktsinatsiiadan keiin toǵyz aidan astam ýaqyt ótti ", - dedi ministr.
