Shyǵys Qazaqstan oblysynda Buqtyrma sý qoimasy arqyly ótetin kópir qurylysy júrgizilip jatyr, dep habarlaidy "Ult aqparat".
Prezident Qasym-Jomart Toqaevtyń tapsyrmasymen Shyǵys Qazaqstandaǵy Kúrshim men Kókpekti aýdandaryn jalǵaityn «Qyzyl tý» ótkeline kópir salynatyny belgili. Biyl osy maqsatta oblystyq biýdjetten 1 mlrd teńge bólingen bolatyn.
«Kópir qurylysy boiynsha ótken konkýrstyń jeńimpazy atanǵan «OblShyǵysJol» JShS búgingi tańda ainalma jol, geodeziialyq jáne elektr jelilerin tartý boiynsha jumystar júrgizýde. Endigi kezekte tehnikalyq jol salynyp jatyr. Atalǵan jumystarǵa qajetti arnaiy tehnikalar bazasy uiymdastyrylyp, kópir qurylysyna tartylatyn jumysshylarǵa 250 oryndyq jataqhana qalashyǵy salynbaq», - dedi Kúrshim aýdanynyń ákimi Dýlat Qajanov.
Onyń aitýynsha, Qazaqstandaǵy eń uzyn kópir bolyp esepteletin bul nysannyń qurylysyna jergilikti jumys kúshi de kóptep tartylady.
«Qazaq taǵylymynda kópir salý qasietti is ekenin eskersek, osy jobanyń igiligin kóretin kún de alys emes. Kópir qurylysyn salý boiynsha jumystar bekitilgen josparǵa sáikes atqarylatyn bolady», - dedi Dýlat Qajanov.
