Buharadaǵy 16 ǵasyrda irgesi qalanǵan Abdýllahan medresesi qabyrǵasynyń bir bóligi qulady, dep habarlaidy ÓzA agenttigi.
Buqara oblysy ákimdigi baspasóz qyzmetiniń habarlaýynsha, buǵan kópjyldyq tehnogendik protsester (ystyq jáne sýyq klimat, jaýyn-shashyn men jer asty sýlarynyń kóterilýi) sebep bolǵan.
Osy jaǵdaiǵa orai Mádeni mura agenttiginiń oblystyq departamenti, Buhara qalasy ákimshiligi, restavratorlar men mamandardan turatyn jumys toby qurylyp, jergilikti jerde zertteý júrgizilgen. Onyń negizinde Abdýllahan medresesiniń artqy qabyrǵasynyń qulaǵan bóligin belgilengen tártipte qalpyna keltirý jáne qajetti jumystardy uiymdastyrý isteri bastaldy.
«Bul rette ǵalymdar, restavratorlar men bilikti mamandar Buharadaǵy tehnogendik protsesterdiń áserinen eroziiaǵa jáne qulaýǵa beiim 40 mádeni mura obektileriniń saqtalýyn zerttep, qorytyndy boiynsha Úkimetke naqty usynystar jiberildi», delingen habarlamada.
Sonymen qatar, osy jaǵdai boiynsha prokýratýra tergeý jumystaryn bastady.
