Búgin – Halyqaralyq Kaspii kúni. Bul - teńiz jaǵalaýyndaǵy 5 memleket: Qazaqstan, Ázerbaijan, Iran, Resei jáne Túrikmenstan atap ótetin ekologiialyq kún, dep habarlaidy QazAqparat.
QR Ekologiia, geologiia jáne tabiǵi resýrstar ministrliginiń málimetinshe, dál osy kúni 2006 jyly Kaspii teńizi men qorshaǵan ortany lastanýdan qorǵaý jónindegi negizdemelik konventsiia kúshine endi.
«Qujatqa Tegeranda qol qoiyldy. Ol Kaspii teńizi óńirin qorǵaýǵa qoiylatyn jalpy talaptardy qamtidy jáne bul úshin qajetti institýtsionaldyq tetikterdi qurýdy kózdeidi.
Bul kúndi belgileýdegi maqsat - qarqyndy damyp kele jatqan Eýraziianyń ónerkásiptik, kóliktik jáne kýrorttyq ortalyǵynda tabiǵatty qorǵaý, osy saladaǵy 5 memlekettiń yntymaqtastyǵyn nyǵaitý jáne ekologiialyq bilimdi nasihattaý», - dedi ministrlikten.
