Búginnen bastap arystyqtar memleket tarapynan jáne qor arqyly jinalǵan qarajatty járdemaqy túrinde ala bastady, dep habarlaidy "Ult aqparat" Túrkistan oblysy ákiminiń baspasóz qyzmetine silteme jasap.
Búgin 58 myń halqy bar Arys qalasynyń turǵyndary ózderine tiesili 100 000 teńgeni Halyq bankiniń bankomaty arqyly alyp jatyr.
Qazirgi tańda Arys qalasyndaǵy Ortalyq stadion janyndaǵy sport mektebinde 8 bankomat ornatylǵan. Budan bólek, qalada 10 bankomat bar. Qorǵa túsken 5,8 mlrd teńgeniń 1,8 mlrd teńge somasyn qazaqstandyqtar óz kúshterimen jinaǵan bolatyn. Odan bólek, 1 mlrd teńge Túrkistan oblysy ákimdiginiń biýdjetinen jáne 3 mlrd teńge qarajat respýblikalyq biýdjetten bólinip otyr.
