Qazaqstan men Vengriia arasynda turaqty áýe reisi ashylady. Bul týraly QR Indýstriia jáne infraqurylymdyq damý ministrliginen málim etti.
Vedomstvo málimetinshe, 31 tamyzda Qazaqstan Respýblikasynyń aýmaǵynda koronavirýstyq infektsiianyń paida bolýy men taralýyna jol bermeý jónindegi vedomstvoaralyq komissiianyń kezekti otyrysy ótip, onda Qazaqstan men Vengriia arasyndaǵy turaqty áýe qatynasyn qalpyna keltirý máselesi qaraldy.
«QR IIDM Azamattyq aviatsiia komiteti men Vengriiadaǵy QR Elshiliginiń birlesken jumysynyń arqasynda 2021 jylǵy 9 qyrkúiekten bastap Vengriianyń «Wizz Air« áýe kompaniiasy Býdapesht pen Nur-Sultan qalalary arasynda A320 ushaqtarymen aptasyna 1 ret turaqty reisterdi qaita bastaýdy josparlap otyr. Vengriiaǵa jasalatyn reister sanyn ulǵaitý máselesi epidemiologiialyq jaǵdaiǵa jáne vedomstvoaralyq komissiianyń tiisti sheshimderine bailanysty qabyldanady», - dep atap ótedi ministrlikten.
Aita keterligi, reister sanitarlyq-epidemiologiialyq talaptardy qatań saqtai otyryp jáne áýe kompaniiasynyń saitynda jariialanǵan kestege sáikes oryndalady.
