Densaýlyq saqtaý vitse-ministri Liýdmila Biýrabekova koronavirýs infektsiiasynan kóz jumǵan adamdy jerleý tártibine engizilgen ózgeris týraly aityp berdi, dep habarlaidy "Ult aqparat".
«Shynynda da, koronavirýs infektsiiasynan kóz jumǵan adamdardy jerleý tártibine ózgeris engizildi. Endigi ýaqytta KVI-dan qaitys bolǵandardy basqa jaǵdaida jan tapsyrǵandarmen bir ziratta jerleýge bolady. Alaida sanitarlyq-dezinfektsiialyq talaptar qatań saqtalýy kerek. Sonymen birge jerleý rásimi kezinde qatysýshylardyń sany shekteýli bolýy tiis», - dedi Liýdmila Biýrabekova OKQ-da ótken baspasóz máslihatynda
Eske sala ketsek Densaýlyq saqtaý ministri Aleksei Tsoi buǵan deiin Qazaqstanda koronavirýstan kóz jumǵandardy jerleý erejesi ózgergenin málim etken edi.
«Kóz jumǵan adamdardy jerleý tártibi mańyzdy bolyp qalyp otyr. Qazirgi tártipke ózgerister engizildi: qaitys bolǵan adamdy sanitarlyq-epidemiologiialyq jáne gigienalyq normalardy saqtai otyryp, kez kelgen ziratqa jerleýge bolady», - dedi Aleksei Tsoi.
