Ulybritaniianyń Koroldik moneta saraiy Djeims Bond týraly «Ne vremia ýmirat» 25-shi filminiń shyǵýyna orai estelik moneta men quima altyn toptamasyn shyǵardy, dep habarlaidy The Independent saity.
Toptamaǵa salmaǵy 7 keli altyn moneta engen. Onyń dizainyn Koroldik moneta saraiynyń qyzmetkeri Laýr Klensi ázirlegen. Monetanyń diametri – 18,5 sm( nemese 7,2 diýim). Bul - Koroldik moneta saraiy shyǵarǵan óziniń 1100 jyldyq tarihyndaǵy monetalardyń eń úlkeni ári qymbaty. Onyń nominaldy quny - 7000 fýnt.
Sondai-aq toptamaǵa salmaǵy bir kelilik jáne eki kelilik altyn monetalar jáne kúmis monetalar kiredi. Sonymen qatar, Djeims Bond týraly filmderge arnalǵan álemdegi alǵashqy altyn jáne kúmis quimalar shyǵaryldy. Qymbat metall quimalary naýryz aiynyń ortasynda satylymǵa túsedi.
Jeti kelilik monetada Bondtyń Aston Martin DB5 markaly kóligi onyń tanymal BMT 216A nómirimen beinelengen. Al kóliktiń astynda 007 nómiri men tapansha tańbasy kórsetilgen.
