Britaniiada koronavirýs alǵash ret úi janýarynda tirkeldi. Bul rette, Densaýlyq qaýipsizdigi jónindegi agenttiktiń málimdeýinshe, mundai jaǵdailar óte sirek bolady jáne itter, mysyqtar men ózge de janýarlardyń óz ielerine virýs juqtyra alatynyna qatysty dáiekti dálelder joq. QazAqparat bul týraly VVS-ge silteme jasap habarlaidy.
Mysyqtar men itterdiń ielerine qarapaiym gigienalyq talapty ustanyp, qoldy jii jýý usynylady. Agenttik málimetine sáikes, koronavirýs esik tutqasynda siiaqty qysqa ýaqytqa janýarlardyń júninde de saqtalýy múmkin.
Britaniianyń bas veterinary Kristin Middlmiss VVS-ge aitýynsha, «koronavirýs juqtyrǵan it múldem basqa syrqatpen emdelýge túsken. Qazir jazylyp keledi. Itter koronavirýsqa óte sirek shaldyǵady jáne birneshe kúnde aiaǵyna tik turady».
Densaýlyq qaýipsizdigi jónindegi agenttik adamnyń koronavirýsty úi janýarlarynan juqtyrýyna qatysty naqty qaýipti kórsetetin jańa málimetter paida bolǵan jaǵdaida, bul týraly birden habarlaýǵa ýáde etti.
