Elordadaǵy elitalyq úilerdiń biri - «Britan kvartalyndaǵy» órt sóndirildi, dep habarlaidy "Ult aqparat" tótenshe jaǵdailar komitetiniń baspasóz qyzmetine silteme jasap.
Órt Almaty aýdanynyń Sarqyrama qiylysyndaǵy 6 qabatty úiden shyqqan. Oqiǵa týraly aqparat keshki saǵat 19.39-da túsken. Órt sóndirýshiler kelip jetkende shatyrdaǵy qyzyl jalyn shamamen 100 sharshy metr aýmaqty qamtyp úlgergen. Úi turǵyndary tótenshelikter kelip jetkenshe óz betinshe qaýipsiz jerge evakýatsiialanǵan.
«Qalyptasqan jaǵdaidy eskere kele órt sóndiretin 4 ýchaske belgilendi. Bárinen buryn shatyrdyń ózgeshe jobalanýy birshama qiyndyq týǵyzdy, onymen birge jyldamdyǵy 13 m/s bolatyn jel de órtti sóndirýge aitarlyqtai kedergi jasady. Qabyldanǵan sharalardyń arqasynda jalyn 21:56-da aýyzdyqtalyp, 23:02-de sóndirildi. Tilsiz jaý 600 sharshy metr aýmaqty sharpydy. Oqiǵa saldarynan úidiń shatyry ishinara órtenip ketti, sondai-aq keshenniń mansard qabatynda ornalasqan 4 páter búlindi» delingen habarlamada.
Zardap shekkender joq. Qyzyl jalynnyń úidiń basqa aýmaqtaryna tarap ketýine jol berilmedi.
Órtti aýyzdyqtaýǵa elordalyq tótenshe jaǵdai departamentiniń 67 qyzmetkeri men 13 tehnikasy jumyldyryldy. Oqiǵa ornynda 3 adamnan turatyn Apattyq meditsina ortalyǵy brigadasy, politsiiadan 8 adam men 3 tehnika jáne jedel járdem brigadasy jumys istedi.
