Angliianyń Bristol qalasyndaǵy janarmai beketinde qolynda pyshaǵy bar belgisiz bireý adamdardy kepilge aldy, dep habarlaidy QazAqparat Independent basylymyna silteme jasap.
Beisenbi kúni saǵat 7:30-den óte Hengrov-Ýeidegi Esso janarmai beketinde bolǵan oqiǵa ornyna qarýlanǵan politsiia men qylmyskermen tildesýshi maman shaqyryldy.
Politsiianyń habarlaýynsha, úsh saǵattan keiin er adam ustalǵan.
Janarmai beketiniń qyzmetkerleri zardap shekpegen, olar qaýipsiz jerge jasyrynyp qalǵan.
Jeńil jaraqat alǵan bir adam aýrýhanaǵa jetkizildi. Kýágerler kúdiktini kisenmen alyp keter aldynda garajdan qatty dybystar estip, jarqyl kórgenderin aitqan.
Eivon men Somerset politsiiasynyń málimdemesinde bylai delingen:
«Búgin tańerteń biz Hengrov-Ýeidegi janarmai beketindegi oqiǵaǵa bailanysty er adamdy ustadyq. Tergeý júrip jatyr».
