Batys Qazaqstan oblysynda politsiia úiiniń aýlasynda qarasora ósirip, garajda onyń keptirilgen japyraqtary men tuqymdaryn saqtaǵan 36 jastaǵy er adamdy ustady, dep habarlaidy ult.kz.
Ol «Qarasora-2026» jedel-profilaktikalyq is-sharasy barysynda anyqtalǵan. Turǵynnyń úiine sanktsiialanǵan tintý júrgizý kezinde aýladan qarasora tektes úsh ósimdik tárkilendi.
Budan bólek, garajdan keptirilgen qarasora japyraqtary salynǵan úsh orama, shegýge arnalǵan tórt qural jáne metall ydysta saqtalǵan ósimdik tuqymdary tabyldy.
Politseiler er adamnyń ósimdikterdi óz aýlasynda ósirgenin anyqtady.
Atalǵan fakti boiynsha sotqa deiingi tergep-tekserý júrgizilip jatyr.
Politsiia esirtki quraldaryn zańsyz ósirý, saqtaý jáne taratý qylmystyq jaýapkershilikke ákeletinin eskertti.
