sýret ashyq derekkózden alyndy
Qazaqstanda bosanǵanǵa deiingi tólem alý merzimi bir saǵatqa deiin qysqarady. Bul týraly tsifrlyq damý, innovatsiialar jáne aeroǵarysh ónerkásibi ministri Baǵdat Mýsin málimdedi, - dep habarlaidy Massaget.kz portaly.
Ministrdiń aitýynsha, vedomstvonyń negizgi strategiialyq mindeti - ár kezeńdegi jaǵdaidy taldaý, qarapaiym adamnyń ne bastan ótkeretinin túsiný jáne barlyq qiyndyqty azamattar úshin qalypty, túsinikti jáne yńǵaily protseske ainaldyrý. Mýsin bul jumysqa fokýs-toptar jinalyp, memlekettik organdar, tsifrlyq vitse-ministrler tartylǵanyn aitty.
"Balanyń dúniege kelýine qatysty aitaiyn. Bul protsestiń negizgi máselesi - keńes alý úshin qaida barý, qalai tirkelý kerek ekenin bilmeý. Bul - 50 adamnan turatyn fokýs-topqa qoiylǵan suraqtar, olardy júkti jáne bosanǵan analar qoiady. Túsiniksiz protsester bar, al anaǵa kerek nárse - negizgi qajettilikterdi qanaǵattandyrý. Sondyqtan qazir týý týraly kýálikti alý jáne járdemaqyny avtomattandyrý týraly ǵana emes, sonymen qatar basqa da protsester baryn aitamyz. Mysaly, bosanǵanǵa deiingi tólem alý úshin 15 kún qajet. Ony biyl bir saǵatqa deiin qysqartamyz", - dedi Baǵdat Mýsin vedomstvo otyrysynda.
