Foto: FK "Kairat"
Sot BAQ ókilderine sot zalynda aýdio jáne beinejazba júrgizýge tyiym salý týraly sheshim shyǵardy, dep habarlaidy Sputnik Qazaqstan.
Sýdianyń aitýynsha, buǵan deiin jýrnalister áleýmettik jelilerde óz pikirlerimen, sýbtitrler bar montajdalǵan beinerolikter jariialaǵan.
"Bul sheshim shaǵymdanýǵa jatpaidy", - dedi Astana qalasy Saryarqa aýdanynyń 2-shi aýdandyq sotynyń sýdiasy Nazgúl Bapaqova.
Boranbaevtyń advokattary sot sheshimimen kelispeitinin málimdedi. Degenmen sýdia kýágerler ózderiniń jeke derekteri men sotta bergen jaýaptarynyń BAQ arqyly taralýyna qarsy ekenin túsindirdi.
"Bul "Jeke derekter jáne olardy qorǵaý týraly" zańnyń 10-babynyń normalaryn buzady. Jýrnalister ózderiniń sýbektivti oi-pikirleri arqyly sot tergeýine qatysty qoǵamdyq teris pikirdi aldyn ala qalyptastyrýǵa tyrysyp jatyr. Al buǵan zań boiynsha jol berilmeidi", - dedi Nazgúl Bapaqova.
Sýdianyń aitýynsha, jýrnalister kýágerlerdiń jeke derekterin jariialamai sot otyrystarynyń barysy týraly aqparat tarata alady.
Nazarbaevtyń burynǵy qudasy Qairat Boranbaev, oligarh, "AziiaGazChýndja" JShS quryltaishysy jáne teń quryltaishysy Roman Nahanov jáne "Qazaq Gaz" AQ basqarma basshysynyń burynǵy orynbasary Taiyr Januzaq suiytylǵan munai gazyn satyp alý kezinde 14,5 milliard teńge jymqyrdy, sondai-aq qylmystyq jolmen jinalǵan aqshany zańdastyrdy degen kúdikke ilindi.
