Qazaqstandyqtar jyl saiyn Prezident Joldaýynan úlken úmit kútetini haq. Qasym-Jomart Toqaevtyń Memleket basshysy retinde halyqqa arnaǵan tuńǵysh Joldaýy «Syndarly qoǵamdyq dialog – Qazaqstannyń turaqtylyǵy men órkendeýiniń negizi» dep ataldy. Munda qoǵammen birlesip, keńesip, elimizdiń turaqtylyǵyn qamtamasyz etý arqyly áleýmettik-ekonomikalyq damýǵa qol jetkizý maqsaty belgilendi.
Bul Joldaý Qasym-Jomart Toqaevtyń sailaýaldy baǵdarlamasynda kórsetilgen negizgi baǵyttarymen jáne QR Tuńǵysh Prezidenti Nursultan Nazarbaevtyń 5 institýtsionaldyq reformasy talaptarymen sabaqtasyp jatqany anyq ári sailaýaldy bergen ýádelerin oryndaýdyń, ony iske asyrýdyń bastaýy dese de bolady. Mańyzdy qujatta partiia qurylysyna airyqsha mańyz beretini týraly aitylǵan, sebebi, memlekette básekege qabiletti myqty partiialar bolsa, álbette, sol arqyly memleket te myqty bolary sózsiz. Osy oraida, Memleket basshysy «Nur Otan» partiiasynyń basty saiasi kúsh ekenine baǵa berip, sonymen qatar, basqa da saiasi partiialar men qoǵamdyq birlestikter arasyndaǵy yntymaqtastyqty, pikirler sanalýandyǵyn jáne ózara básekelestikti, ádil syndy qalyptastyrý arqyly olardyń tiimdi oilaryn, baǵdarlamalaryn paidalana otyryp, qoǵamdaǵy turaqtylyq pen damýdyń jańa modelin qalyptastyrýdy usynyp otyr.
Joldaýda ekonomikanyń negizgi tiregi – orta, shaǵyn biznesti odan ári damytyp, jańa jumys oryndaryn ashý týraly jáne osy maqsatta olardy nesielendirýdiń tyń joly kórsetilgen.
Sońǵy jyldary qoǵamda biraz tolqý týǵyzǵan jer máselesi jáne onyń sheteldikterge satylmaityny týraly sheshimi kópshiliktiń kóńilinen shyǵyp otyr. Sonymen qatar, sot, quqyq qorǵaý organdary, onyń ishinde, ákimshilik politsiiasynyń jumysyn shynaiy halyqqa qyzmet kórsetýge baǵyttaýy halyqtyń qaýipsizdigin qamtamasyz etýdi basty orynǵa qoiyp otyrǵanyn bildiredi.
Bizder, «nurotandyqtar», Memleket basshysynyń Joldaýyn bastaýysh partiia uiymdary men halyq arasynda túsindirýdi qoǵamnyń barlyq toptarynda, shalǵai eldi mekenderde, eńbek ujymdarynda júrgizýdi josparlap otyrmyz.
Álibek JAQANBAEV,
Alakól aýdanynyń ákimi,
«Nur Otan» partiiasy aýdandyq
filialynyń tóraǵasy
