«Bolashaq» baǵdarlamasynyń 150-den astam túlegi júz myń oqýshyǵa mamandyq tańdaýda kómektesedi, dep habarlaidy Bilim jáne ǵylym ministrligi.
Jobaǵa 9-11 synyp oqýshylaryna mamandyq tańdaýǵa kómektesýge niet bildirgen baǵdarlama túlekteri qatysady. Sondai-aq olar óz bilimderi jáne daǵdylarymen bólisedi ári bir jyl kóleminde oqýshylarǵa tálimger bolady. Joba 13 qyrkúiekte Túrkistan oblysynda bastaldy.
«Bul jai ǵana test nemese saýalnama toltyrý emes, bul naǵyz mamandyq tańdaýǵa kirisý: kezdesýler, oqytý jáne túsindirý seminarlary, master-klastar jáne tálimgerlerdiń keńesteri. «Bolashaq» baǵdarlamasy sheńberinde 11 myńnan astam joǵary bilikti maman daiarlandy. Búginde olar ekonomikanyń basym sektorlarynda jumys isteidi. Álbette, olardyń aqysyz usynys bildirgenimizge qoldaý kórsetkenderi qýantady. Oqýshylarmen mundai qarym-qatynas jáne ózara is-qimyl balalardyń mamandyq tańdaýyna oń áser etedi dep úmittenemiz», — dedi «Halyqaralyq baǵdarlamalar ortalyǵy» AQ vitse-prezidenti Ǵaliia Dosmuhambetova.
Mentor-baǵdarlama túlekteriniń qatarynda injenerlik-tehnikalyq, meditsinalyq, gýmanitarlyq jáne jaratylystaný ǵylymdarynyń doktorlary bar.
«Kolýmbiia ýniversitetinde oqyp júrgen kezimde men kóptegen eriktilerdiń jobalaryna qatystym. Bul jobalar maǵan da, men járdem kórsetken adamdarǵa da jaqsy tájiribe alýǵa kómektesti. Ádette, jobaǵa qatysýshylar qoǵamnyń damýyna, bilim berý sapasyn jaqsartýǵa jáne bolashaq urpaqtyń ómir súrý deńgeiin arttyrýǵa qosqan úlesterin maqtan tuta alady. Mundai jumystyń nátijelerin birneshe jyldan keiin kórýge bolady. Máselen, men óz stýdentterimniń kásibi saladaǵy jetistikterin kórip otyrmyn. Osyndai tájiribeni men qazaqstandyqtardyń jas býynynyń damýyna da engizgim keledi», — dep atap ótti Qazaqstan qarjygerler qaýymdastyǵy janyndaǵy jetekshi analitik, «Bolashaq» stipendiialyq baǵdarlamasynyń túlegi Ramazan Dosov.
Bul jobaǵa tálimgerler tegin qatysady. Osylaisha, «Bolashaq» baǵdarlamasynyń 150-den astam túlegi mentorlyq boiynsha erikti atandy.
