Aýylda turatyn jastar úshin «Bolashaq» baǵdarlamasy boiynsha kvota saqtalady, dep habarlaidy Halyqaralyq baǵdarlamalar ortalyǵynyń baspasóz qyzmeti.
Qaǵidalarǵa sáikes kvota boiynsha halyqaralyq stipendiiaǵa sońǵy úsh jylda aýylda turatyn úmitkerler úmitker bolady. Sondai-aq, olar aýyldyq eldimekende sońǵy eki jylda jumys isteýi tiis.
«Oǵan qosa, GPA - aýyldyq kvota boiynsha úmitkerler diplomynyń ortasha baly 4.00-den 2,67-den kem bolmaýy qajet. Sondai-aq, memlekettik til boiynsha V1 deńgeiinen kem emes, shet tili boiynsha IELTS keminde 9.0-den 6.0, TOEFL: PBT 677-den 500, IBT 120-dan 60-78 nátijesimen emtihan tapsyrǵany týraly sertifikattyń bolýy mindetti. Úmitkerler bakalavr nemese maman diplomy boiynsha mamandyqty, mándes mamandyqtardy tańdai alady», - dep naqtylap ótti, QR BǴM Halyqaralyq baǵdarlamalar ortalyǵynyń prezidenti Ainur Káribozova.
Aýyldyq kvota boiynsha stipendiattar Qazaqstan aýmaǵynda 6 aiǵa deiingi merzimde tegin tildik daiyndyqtan ótedi. Buǵan qosa, aýyl turǵyndaryna «Bolashaq» baǵdarlamasyna qujattardy tapsyrý sátinde sheteldik joǵary oqý oryndaryna óz betinshe túsý mindetti emes. Olar stipendiia taǵaiyndalǵannan keiin baǵdarlama sheńberinde oqýǵa usynylatyn JOO tiziminen oqý ornyn tańdai alady.
«2020 jyldan bastap «Bolashaq» stipendiiasyn taǵaiyndaý konkýrsyna aýyldyq eldimekennen shyqqan úmitkerlerdi qospaǵanda, jetekshi sheteldik joǵary oqý ornynan shartsyz shaqyrýy bar úmitkerler ǵana qatysatyndyǵyn eskertemiz.
Sonymen qatar, aýyldyq kvota boiynsha túsken stipendiattarǵa kepil múlkin usyný mindetti emes. Eki kepilger bolsa jetkilikti. Kepilger retinde sońǵy 12 jyl ishinde turaqty tabysy bar, QR-nyń 50 jasqa deiingi azamaty bola alady» delingen habarlamada.
«Óńirlerge jumys isteýge baratyn túlekter úshin eńbekpen óteý merzimi qysqartyldy. Olar 5 jyldyń ornyna 3 jyl eńbekpen óteitin bolady. Biz bul shara óńirlerge baryp, aýyldy jumys isteitin bolashaqshylardyń úlesin arttyrýǵa múmkindik beredi dep úmittenemiz» - dep atap ótti Ainur Káribozova.
2020 jyldan bastap qujattardy qabyldaý jáne konkýrstyq irikteý protsesi tolyǵymen avtomattandyryldy. Bul konkýrstyń irikteýi ashyq ótýin qamtamasyz etti. Úmitkerler eGOV memlekettik qyzmetter portaly arqyly ótinim beredi jáne óńirden shyqpai-aq, portaldaǵy onlain irikteýdiń barlyq kezeńderinen ótedi.
Biyl «Bolashaq» halyqaralyq stipendiiasyn taǵaiyndaý konkýrsyna qatysý úshin qujattar qabyldaý 4 mamyrda bastalyp 28 qazanǵa deiin jalǵasady.
2021 jyly «Bolashaq» baǵdarlamasy boiynsha 1 055 stipendiia bólindi. Olardyń ishinen 555 stipendiia magistratýra, rezidentýra jáne doktorantýra baǵdarlamasy boiynsha bólingen. 500 stipendiia jańa «Ǵalymdar» sanaty boiynsha taǵaiyndalady. Bul sanat Memleket basshysynyń tapsyrmasy boiynsha álemniń jetekshi ǵylymi ortalyqtarynda ǵalymdardyń taǵylymdamadan ótýine múmkindik berý maqsatynda bekitildi.
«Bolashaq» baǵdarlamasynyń sharty boiynsha memleket stýdentterge oqý shyǵyndaryn, ushyp barý men qaitý biletterin, sondai-aq viza alymdaryn, meditsinalyq saqtandyrýdy, ai saiynǵy stipendiia jáne oqý materialdaryn satyp alýǵa járdemaqy tóleidi. Stipendiia mólsheri qalanyń jáne sol eldiń ómir súrý deńgeiine qarai ózgeredi. Máselen, Niý-Iork pen Londonda ai saiynǵy stipendiia 2 myń AQSh dollarynan asady.
