«Bolashaq» halyqaralyq stipendiiasyn taǵaiyndaý konkýrsyna qujattardy qabyldaý jalǵasyp jatyr. Búginge deiin 1 myńnan astam ótinish túsken, dep habarlaidy "Ult aqparat".
Qujattardy qabyldaý 4 mamyrda bastalǵan bolatyn jáne ol 2021 jyldyń 28 qazanyna deiin jalǵasady. Stipendiialar maýsym, tamyz jáne qarasha ailarynda taǵaiyndalady. Ekinshi taǵaiyndaýǵa – 250, úshinshi taǵaiyndaýǵa 205 stipendiia beriledi.
Jalpy, 2021 jyly «Bolashaq» baǵdarlamasy boiynsha oqýǵa 1055 stipendiia bólingen.
Onyń ishinde:
- 555 stipendiia magistratýra, rezidentýra, doktorantýra jáne taǵylymdama baǵdarlamalary boiynsha;
- 500 stipendiia «ǵalymdar» sanaty boiynsha beriledi.
«Halyqaralyq baǵdarlamalar ortalyǵy» AQ-dan málim etkendei, «ǵalymdar» sanaty QR Prezidenti Qasym-Jomart Toqaevtyń tapsyrmasyna sáikes jyl saiyn 500 ǵalymdy álemniń jetekshi ǵylymi ortalyqtaryna taǵylymdamaǵa jiberý úshin engizilgen.
«Bolashaq» halyqaralyq stipendiiasyn taǵaiyndaýǵa qajetti qujattardy qabyldaý jáne konkýrstyq irikteý protsesteri tolyǵymen avtomattandyrylǵan jáne eGov.kz portaly arqyly júzege asyrylady.
«Jeke kabinette úmitkerge biregei kod beriledi. Sol kodty ol konkýrstyq irikteý kezinde paidalanady.
Úmitkerdiń jeke derekteri de biregei sáikestendirý júiesiniń kómegimen kodtalǵan. Irikteý kezeńderine keshendi test, Táýelsiz saraptamalyq komissiia múshelerimen jeke áńgimelesý jáne shetelde kadrlar daiarlaý jónindegi Respýblikalyq komissiia otyrysynda qujattardy qaraý kiredi», - dep atap ótti «Halyqaralyq baǵdarlamalar ortalyǵy» AQ prezidenti Ainur Káribozova.
Aita keteiik, 2021 jyly stipendiattar 80 mamandyq boiynsha akademiialyq oqýǵa baryp, 137 mamandyq boiynsha taǵylymdamadan ótedi. Tizimge «Inkliýzivti bilim berý», «Virýsologiia», «Ýrbanistika», «Jańa materialdar tehnologiiasy»siiaqty ózekti mamandyqtar endi.
Biyl basym mamandyqtar «innovatsiialar jáne jańa tehnologiialar», «indýstriialyq injeneriia», «jaratylystaný ǵylymdary», «áleýmettik ǵylymdar», «bilim berý», «meditsina» jáne «kreativti indýstriia» siiaqty baǵyttar boiynsha bólingen.
