«Bolashaq» halyqaralyq stipendiiasyn taǵaiyndaý konkýrsyna qatysý úshin qujattardy qabyldaý 30 kúnnen soń aiaqtalady. Qujattardy qabyldaý 4 mamyrdan 28 qazanǵa deiin eGov elektrondyq úkimet portaly arqyly júrgiziledi, dep habarlaidy "Ult aqparat".
2021 jyly «Bolashaq» baǵdarlamasy boiynsha oqýǵa 1055 stipendiia bólindi. Onyń ishinde 445 stipendiia magistratýra, rezidentýra jáne doktorantýra baǵdarlamalary boiynsha bólingen. 110 grant densaýlyq saqtaý, mádeniet, sport salasynyń qyzmetkerleri, pedagogtar, memlekettik qyzmetshiler, injener-tehnikterge 5 sanat boiynsha taǵylymdamadan ótýge berilgen.
QR Prezidenti Qasym-Jomart Toqaevtyń «Ǵalymdar» taǵylymdamasy sanaty boiynsha Qazaqstan ǵalymdarynyń álemniń jetekshi ǵylymi ortalyqtarynda taǵylymdamadan ótýin qamtamasyz etý maqsatyndaǵy tapsyrmasyna sáikes 500 stipendiia berilip otyr.
«Osy jylǵa arnalǵan «Bolashaq» baǵdarlamasy boiynsha basym mamandyqtar tizbesinde akademiialyq oqýǵa arnalǵan 80 jáne taǵylymdamadan ótýge arnalǵan 137 mamandyq bar. Tizimge «Inkliýzivti bilim berý», «Virýsologiia», «Ýrbanistika»», «Jańa materialdar tehnologiiasy»» siiaqty ózekti mamandyqtar endi»», – dep atap ótti» «Halyqaralyq baǵdarlamalar ortalyǵy» AQ prezidenti Ainur Káribozova.
Esterińizge sala keteiik, 2021 jyly «Bolashaq» baǵdarlamasy boiynsha oqýǵa bolatyn sheteldik joǵary oqý oryndarynyń tizimine 27 eldiń 207 ýniversiteti kirgen. Olar halyqaralyq akademiialyq reitingterdiń (QS, Times Higher Education (THE), Academic rankings of World Universities (ARWU) alǵashqy 250 pozitsiiasynda tur.
