Qazaqstanda «Bolashaq» bilim berý baǵdarlamasy aiasynda stýdentterdi oqytý aýqymy 4 elge keńeitildi. Olardyń qataryna Avstriia, Chehiia, Irlandiia jáne Ońtústik Afrika kirdi. Sondai-aq tizimge Gonkong (Qytai) qosyldy, dep habarlaidy QR Bilim jáne ǵylym ministrliginiń baspasóz qyzmeti.
Osylaisha, endi qazaqstandyqtar «Bolashaq» baǵdarlamasy boiynsha 27 elde oqi alady.
Esterińizge sala keteiik, biyl ótinimderdi qabyldaý 4 mamyrda bastalyp, 27 qazanǵa deiin jalǵasady. Búgingi tańda qazaqstandyqtardan 158 ótinish kelip túsken.
Pandemiiaǵa qaramastan, Halyqaralyq baǵdarlamalar ortalyǵy qazaqstandyqtar bilim ala alatyn sheteldik joǵary oqý oryndarynyń sanyn ulǵaitty. Eger ótken jyly olardyń sany 138 bolsa, 2021-2023 jyldary – 207 joǵary oqý orny qazaqstandyq azamattardy oqýǵa qabyldaýǵa daiyn.
Bul rette, joǵary oqý oryndaryn irikteý talaptary da kúsheitilip otyr. Máselen, JOO úsh halyqaralyq akademiialyq reitingke kirýi tiis.
Stipendiialardy taǵaiyndaý júiesine de ózgerister engizilip jatyr. Ol úsh kezeńnen turady. Osylaisha, maýsym aiynda 90 stipendiia, tamyzda – 170 stipendiia jáne qarashada – 125 stipendiia bólinedi. Bul stipendiiany osy kezeńge berilgen ótinimderge sáikes birkelki bólýge múmkindik beredi.
2021 jyly «Bolashaq» baǵdarlamasy boiynsha oqýǵa 1055 stipendiia bólindi. Onyń 555-i magistratýra, rezidentýra, doktorantýra jáne taǵylymdama baǵdarlamalary boiynsha bólinedi. Taǵy 500 stipendiiany otandyq ǵalymdar alady.
