Ǵalymdar úshin «Bolashaq» baǵdarlamasy boiynsha sheteldik taǵylymdamadan ótýge arnalǵan mamandyqtar tizimine taǵy 18 mamandyq engizildi. «Bolashaq» baǵdarlamasy boiynsha sheteldik taǵylymdamadan ótýge arnalǵan mamandyqtar tizimin keńeitildi. Baǵdarlamanyń operatory QR BǴM Halyqaralyq baǵdarlamalar ortalyǵy, dep habarlaidy QazAqparat atalmysh vedomostvonyń baspasóz qyzmetine silteme jasap.
Endi olar «Biologiia, molekýlalyq biologiia», «Veterinariia», «Kompiýterlik lingvistika», «Aýyl sharýashylyǵy», «Qurylys», «Jobalaý», «Shahta qurylysy», «Fizika», «Bailanys jáne aqparat taratý júiesi», «Radiotehnologiia», «Mehanika», «Statistika», «Esepteý tehnologiiasy», «Antropologiia», «Orman resýrstaryn qorǵaý», «Vaktsinologiia», «Matematika» baǵyttary boiynsha memleket esebinen álemniń jetekshi ýniversitetteri men ǵylymi ortalyqtarynda taǵylymdamadan óte alady.
Aita keteiik, 8 mamandyq qoldanystaǵy aralas mamandyqtarǵa engizilip, taǵy 10-y jańa mamandyq retinde qosyldy.
Qazaqstandyq ǵalymdar Garvard ýniversiteti, Sorbonna ýniversiteti, Kolýmbiia ýniversiteti, Iel ýniversiteti, Gonkong ǵylym jáne tehnologiia ýniversiteti men basqa da sheteldik joǵary oqý oryndarynda taǵylymdamadan óte alady.
Osylaisha, 2021 jyly qazaqstandyqtardyń 147 mamandyq boiynsha taǵylymdamadan ótý múmkindigi bar, onyń ishinde innovatsiia jáne jańa tehnologiialar baǵyty boiynsha 14, indýstriialyq injeneriia baǵyty – 28, jaratylystaný ǵylymdary – 9, áleýmettik ǵylymdar – 40, «Bilim berý» baǵyty – 9, «Meditsina» baǵyty – 37 jáne «Kreativti indýstriia» baǵyty boiynsha 13 mamandyq bar.
Esterińizge sala keteiik, biyl «Ǵalymdar» jańa sanaty boiynsha 500 stipendiia bólindi. Stipendiialardyń jalpy sany 1055-ke deiin ósti. Onyń ishinde densaýlyq saqtaý, mádeniet, sport salasynyń qyzmetkerleri, pedagogter, memlekettik qyzmetkerler, injener-tehnikter úshin 5 sanat boiynsha taǵylymdamadan ótýge 110 grant bólindi.
Konkýrsqa qatysý úshin qujattardy qabyldaý 2021 jylǵy 28 qazanǵa deiin jalǵasady.
