Batys Qazaqstan oblysynda Samara men Saratov baǵytyndaǵy joldar júk kólikteri úshin aqyly bolmaqshy, dep habarlaidy QazAqparat.
«QazAvtoJol» UK» AQ BQO filialynyń direktory Ámir Kárimbaevtyń óńirlik kommýnikatsiialar qyzmeti alańynda málim etkenindei, bastapqy kezeńde Oral-Samara jáne Oral-Saratov joldarynda tek júk kólikterinen aqy alý josparlanýda.
Onyń sózine qaraǵanda, bul – álemde bar tájiribe. Barlyq jinalǵan qarajat aqyly joldy kútip ustaý men jol boiynda kórsetiletin qyzmet sapasyn arttyrýǵa jumsalady.
Aqyly joldarǵa respýblikalyq biýdjetten qarjy bólinbeidi.
«Atalǵan joldar qazirgi zamanǵy talapqa sai jóndelgen. Halyqaralyq júk tasymaldaýmen ainalysatyn úlken kólikter osy joldarmen kóp ótedi. Aqyly qyzmet baǵasy Nur-Sultan-Shýchinsk baǵytyndaǵy joldaǵymen birdei bolmaqshy», dedi Á.Kárimbaev.
Sonymen qatar jol boiyndaǵy qyzmet sapasyn arttyrý da mańyzdy. Eki jol boiynda 98 qyzmet kórsetý nysany ornalassa, sonyń 63-i nemese 64 paiyzy ulttyq standartqa sai keledi.
«Qazirgi tańda investitsiialar esebinen 3 «SinoOil», «Búrkit» jáne «GasEnergy» janar-jaǵar mai quiý stansasy salynýda.
Sondai-aq «Neftek» janar-jaǵar mai quiý stansasymen demalys alańdarynyń janynda jol boiyndaǵy qyzmet nysandaryn turǵyzý jóninde ýaǵdalastyqqa qol jetkizildi», dedi filial direktory.
