Foto: QR TJM baspasóz qyzmeti
Tótenshe jaǵdailar ministrligi basshysynyń orynbasary Mereke Pishembaev Batys Qazaqstan oblysyndaǵy tikushaq apatyna sebep bolýy múmkin nusqalardyń birin aitty, - dep habarlaidy Massaget.kz saity.
Onyń aitýynsha, tikushaqtyń tehnikalyq jaǵdaiyna esh kúmán joq.
"Qazaviaqutqarý" tikushaǵynyń apatqa ushyraýyna qatysty aitar bolsam, tikushaq jańa, jumys istegenine bir jyl ǵana boldy, sondyqtan onyń tehnikalyq jaǵdaiy jaqsy bolǵanyna esh kúmán joq. Aviatsiia ákimshiligi, "Qazaviaqutqarý" AQ qyzmetkerleriniń qatysýymen komissiia quryldy, tergeý júrgizilip jatyr. Nusqalardyń biri - bul aýa raiy jaǵdailaryna bailanysty bolýy múmkin. Áli naqty aita almaimyn. Nátijesin komissiia jumysy aiaqtalǵannan keiin usynatyn bolamyz", - dedi Pishembaev Senat otyrysy kýlýarynda.
Eske salaiyq, Aita keteiik, 23 aqpanda saǵat 15:50-de Batys Qazaqstan oblysy Báiterek aýdany Chapýrino eldimekeninen 6 shaqyrym jerde "Qazaviaqutqarý" AQ-tyń 2021 jyly shyǵarylǵan Mi-8 AMT tikushaǵy jerge qatty ekpinmen qonǵan. Bortta 6 adam - 5 ekipaj múshesi jáne «QazTransOil» AQ-nyń 1 ókili bolǵan. Oqiǵa saldarynan 4 adam qaza taýyp, 2 adam zardap shekti.
MI-8 AMT Atyraý - Oral - Atyraý baǵytymen "Qaztransoil" AQ tapsyrysy boiynsha munai qubyryn teksergen.
