Batys Qazaqstan oblysynda seksýaldyq sipattaǵy qylmysqa bailanysty mektep direktorynyń isi sotqa berildi, dep habarlaidy QazAqparat tilshisi.
Budan buryn habarlanǵandai, ógei qyzyna seksýaldyq sipattaǵy zorlyq-zombylyq áreketterin jasaǵan Jańaqala aýdanynyń turǵyny Jaqsybai Sultanov 22 jylǵa sottalǵan bolatyn.
Sot sonymen qatar bilim berý mekemesi qyzmetkerleri men sharýa qojalyǵy basshysynyń jaýaptylyǵyn tekserý úshin BQO prokýratýrasy atyna jeke qaýly qabyldaǵan edi.
Qyz bala Jańaqala mektep-gimnaziiasynda oqyǵan. Mektep-gimnaziia direktory Larisa Qojahmetovaǵa QR QK 434-babyna (qylmys týraly habarlamaý) sáikes aiyp taǵylyp otyr.
Jańaqala aýdandyq bilim berý bóliminen túsken málimetke qaraǵanda, aýdandyq sottyń qaýlysyna sáikes tergeý amaldary júrgizilýine bailanysty L.Qojahmetova biylǵy 25 naýryzda qyzmetinen shettetildi.
