Foto: Ashyq derekkóz
Batys Qazaqstan oblysynda 16 jastaǵy qyzdy zorlady degen kúdikpen qamaýǵa alynǵan burynǵy sheneýnik kóz jumdy. Qazir onyń ólimine bailanysty tergeý amaldary júrgizilip jatyr, dep habarlaidy Ult.kz.
Oblystyq politsiia departamentiniń málimetinshe, kúdikti 25 aqpanda zań talaptaryna sáikes qamaýǵa alynǵan.
11 naýryz kúni onyń densaýlyǵy kúrt nasharlap, oblystyq kópbeiindi aýrýhananyń jansaqtaý bólimine jetkizilgen. Dárigerler oǵan baýyrdyń nekrozdy toksikalyq zaqymdanýy jáne ketoatsidozben asqynǵan insýlinge táýeldi qant diabeti diagnozyn qoiǵan.
Alaida 16 naýryz kúni saǵat 18:10-da er adam esin jimastan qaitys boldy.
Atalǵan derek boiynsha sotqa deiingi tergeý bastalyp, jan-jaqty tekserý júrgizilýde. Ózge aqparat Qylmystyq is júrgizý kodeksiniń 201-babyna sáikes jariialanbaidy.
Eske salaiyq, buǵan deiin óńirde kámeletke tolmaǵan qyzdy zorlaý faktisi boiynsha qylmystyq is qozǵalǵan edi. Kúdikti retinde burynǵy sheneýnik ustalǵan bolatyn.
