Foto: Batys Qazaqstan oblysynyń ákimdigi
Batys Qazaqstan oblysynda sý tasqynynyń qaýpi seiilmei tur, dep habarlaidy «Ult aqparat» Kazinform-ǵa silteme jasap.
BQO ákiminiń orynbasary Qaliiar Aitmuhambetovtiń aitýynsha, qazirgi tańda qaýip tónip turǵan oblys ortalyǵy jáne Jaiyq ózeni boiynda ornalasqan Aqjaiyq, Bórli, Báiterek, Terekti aýdandarynyń 90-ǵa jýyq eldi mekeninde sý tasqynynan qorǵaý jumystary júrgizilip jatyr.
«Kúni búgin uzyndyǵy 43 kilometrdei bolatyn biiktigi 1-2,5 metr bógetter turǵyzylýda. Atalǵan jumystarǵa 250-den astam tehnika men 2,5 myńǵa jýyq adam jumyldyryldy. Jumystar jalǵasýda», - dedi Q.Aitmuhambetov.
«Qazgidromet» RMK BQO filalynyń 11 sáýir kúngi saǵat 08.00-degi málimeti boiynsha Jaiyq ózeniniń deńgeii Oral qalasy tusynda táýligine 10 santimetrge joǵarylady. Sóitip 728 santimetrge (qaýipti shegi – 850 sm) jetti. Sondai-aq Ianvartsev gidrobeketinde 787 (+15, qaýipti shegi – 1 250 sm), Kóshimde 688 (+13, 850 sm) jáne Taipaqta 410 (+20, 850 sm) santimetrge jetti.
Eske sala keteiik, budan buryn Batys Qazaqstanda 700-den astam saiajai úilerin sý basqanyn jazǵan bolatynbyz.
Sondai-aq Batys Qazaqstanda mamandar sibir jarasy kómindilerin tekserdi.
