Batys Qazaqstan oblysy Qaztalov aýdany Saryqudyq aýylynda mekteptiń tóbesi qulady, dep habarlaidy QazAqparat tilshisi.
Oblystyq Tótenshe jaǵdailar departamentinen túsken málimetke qaraǵanda, oqiǵa keshe saǵat 20.40-ta bolǵan.
Bir qabatty ǵimaratta informatika kabineti men sport zalynyń tóbesi ishinara opyrylyp túsken. Aýmaǵy 60 sharshy metrdi qurady. Kóktemgi demalys ýaqyty bolǵandyqtan, ǵimaratta oqýshylar bolmaǵan. Zardap shekkender joq.
1977 jyly salynǵan mekteptiń jalpy aýmaǵy - 624 sharshy metr. Ǵimarat 2015 jyly apatty jaǵdaida dep tanylǵan.
Aýdan ákimdiginiń derekteri boiynsha, mekteptiń ornyna jańasyn salý maqsatynda jobalyq-smetalyq qujattama ázirlenip, ol saraptamadan ótip te qoiǵan.
Oblystyq TJ departamentiniń bastyǵy Jasulan Jumashev búgingi brifingte málim etkenindei, biyl óńirde qardyń kóptiginen barlyǵy 29 ǵimarattyń shatyryna nuqsan keldi. Olardyń barlyǵy salynǵanyna 40-50 jyl bolǵan eski úiler.
Oral qalasynda 26 turǵyn úi men áleýmettik nysannyń shatyry búlingen.
